अ‍ॅन्युरिझम तेव्हा होतो जेव्हा एखाद्या धमनिवेच्याभिंतीचा काही भाग कमजोर होतो आणि त्यामुळे तो भाग फुगतो किंवा असामान्यरित्या रुंदावतो.

कधी कधी अ‍ॅन्युरिझमचे कारण अज्ञात असते. काही अ‍ॅन्युरिझम जन्मजात असतात, म्हणजे व्यक्ती त्याच्यासह जन्म घेतो.
महाधमनीचा आजार (Aortic disease) किंवा कोणतीही इजा झाल्यासही अ‍ॅन्युरिझम होऊ शकतो.

जर कुटुंबात कोणाला अ‍ॅन्युरिझमचा इतिहास असेल तर इतर सदस्यांमध्येही अ‍ॅन्युरिझम होण्याचा धोका वाढतो.
इतर जोखीम घटकांमध्ये उच्च रक्तदाब, उच्च कोलेस्टेरॉल आणि धूम्रपान यांचा समावेश होतो.

अ‍ॅन्युरिझम कुठेही होऊ शकतो, मात्र सर्वात सामान्य अ‍ॅन्युरिझम प्रकार आहेत:

• महाधमनीचा अ‍ॅन्युरिझम (Aortic Aneurysm): हृदयातून बाहेर जाणाऱ्या मुख्य धमनित होतो.

• मेंदूमधील अ‍ॅन्युरिझम (Cerebral Aneurysm): मेंदूत होतो.

• पॉप्लिटिअल आर्टरी अ‍ॅन्युरिझम (Popliteal Artery Aneurysm): गुडघ्याच्या मागील बाजूच्या पायात होतो.

• मेसेंटरिक आर्टरी अ‍ॅन्युरिझम (Mesenteric Artery Aneurysm): आतड्यांमध्ये होतो.

• स्प्लेनिक आर्टरी अ‍ॅन्युरिझम (Splenic Artery Aneurysm): प्लीहामधील (spleen) धमनित होतो.